Kalo abis ngiet rapot bocah, pasti dah guwa blingsatan. Ngapa coba?
Itu karena nilai basa sunda-nya kecit.
Kalah ama bahasa inggeris. Bahasa inggeris udah dilesin di LIa Kalimalang.
Itu lho tempat masa kecit guwa maen bola. Ngadu bola ama rosyid mata belo. DI Kampung Dua. Jakasampurna.
Perkara soalnya atu. Masa kita orang Bekasi disuruh belajar basa sunda. Jaka sembung nonjok si jek. Kagak nyambung jek.
Mulok itu kudunya basa bekasih. Biar orang Bekasih punya kebanggaan ama basanya kendiri.
Masa ngomong bekasih roman-romannah di anggap orang kampuuung gitu. Kagak modern.
Nah, ujung-ujungnya orang Bekasih sendiri kagak demen ama bahasanya. terus, gak punya kebanggaan. Ini yang kemudian membunuh kreativitas sebagai modal industri kratif.
Mangkenye, ngomongin industri kreatif di Bekasih kaya ngomong manusia planet. Ke laut!
Coba ngapah nyang pada sekola mikirin. Gimana gitu supaya basa bekasih jadi muatan lokal. Ilok kagak ada yang gape bikin buku. Atau tenaga pengajarnya.
Bagus-bagus kalo dibikinin tuh strategi kebudayaan. Nyang nggali potensi bekasih. Seni aselih. Kayak ujungan, cokek, tanjidor dan laen-laen.
Halagggh…pala guwa jadi puyeng…………!
[...] This post was mentioned on Twitter by bloggerbekasi, bloggerbekasi. bloggerbekasi said: [Bloggerbekasi.Com] Jadiin Bahasa Bekasih Jadi MUlok!: Kalo abis ngiet rapot bocah, pasti dah guwa blingsatan. Ngap… http://bit.ly/6ZnmHM [...]
betul bang, kan bekasih ini kagak punye ciri khas yg bener melekat ama wargenye…menurut aye bang mending basa bekasih dijadiin muatan lokal…
soalnye kan bekasih ntuh pinggiran jakarta dan jawa barat…..jadi lebih bae tuh bekasih punya bahasa sendiri….
karena biasenye daerah perbatasan kaya bekasih ini….pasti punya akulturasi (percampuran) kebudayaan yang unik dan menarik…..
aye juga setujuh tuh bang klo dinas pendidikan dan kebudayaan bekasi buat muatan lokal basa bekasih atau muatan lokal ttg kebudayaan dan sejarah bekasi….
soalnye sangad minim bang, pengetahuan warge bekasih ttg daerahnye sendiri….
[Reply]
Betul, Kang Komar… Saya mendukung Bahasa Bekasi menjadi Mulok…
Dulu saya juga pernah nulis ini di blogger bekasi.. http://bloggerbekasi.com/2009/11/12/bahasa-melayu-dialek-bekasi-jarang-digunakan.html
[Reply]
Ane juga setuju banget tuh, bahkan kalo kaga ada aral melintang, rencana untuk itu sedeng kita godok tuh, bukan cuman bahasanya doang kalo perlu ama budayanya sekalian, pan kaga nyeni bangat kalo kita kudu ngomong inggris atawa bahasa laennya, sementara bahasa bekasi kaga pada tau, apalagi bocah sekarang…insya alloh kalo pemda kasih lampu ijo, kita coba cari bahan dan info tentang semua nyang berbau Bekasi, supaya jadi mulok di sekolahan. Oke, Bang..kalo gitu ayo dah kita pada begabung wujudin rencana itu. Kontek kita dong..
[Reply]
[...] Mobilitas Masyarakat Bekasi) 5. Komar (wuih-ada-warga-bekasi-nyalonin-wabub-di-sumbawa dan Jadiin Bahasa Bekasih Jadi Mulok) 6. Wahyu Suhada (hunting jajanan di bekasi yuuk) 7. Ato Sunarto ( Kita orang Bekasi bukan orang [...]