Puisi Bekasi Aselih : Nama Gue Udin
Artikel, Sosial-Budaya Saturday, February 20th, 2010 809 views
Nama Gue Udin
Baba atu
Enya atu
Ema tere atu
Nama gue Udin
Katanya, baba paling kaya
Maklum di desa orang kedua
Punya tipi gak berwarna
Tapi cukup bikin sekampung terpesona
Nama gue Udin
Baba berubah gak kaya lagi
Gara-gara demen sinden
Sinden berenti, dikawinin baba
Nama gue Udin
Tanah warisan Wa Niot dijual baba
Sepotong dibeliin tanah Kong Arpiah
Sepotong lagi buat bikin rumah
Sepotong lain dibawa ke bini muda
Beli sawah dan bikin rumah gedong
Enya marah-gerem
Jas kawin baba dibakar-gak lagi direndem
Stress ampe ayan-jatoh mendem
Mulut memuruh bebusa-busa-melek merem
Pingsan dibawah puun rukem
Pake baju ijo bebunga item
Memori kekal bikin dendem
Name gue Udin
Asli Bekasi gak ketulungan
Cerita gue, cerita anak bekasi
Baba atu, ema dua
Nama gue Udin
Hobi maen bola di lapangan tailan
Lapangan bola punya kong Nelan
Yang bikin kontrakan kagak bikin cubluk-selokan
Tukang sate, tukang sol di kontrakan kong Nelan
Kalo kebelet, pake sarung ke tengah lapangan
Celingak celinguk cari orang malem-malem
Gak ada orang angkat sarung nongkrong dalem-dalem
Lapangan kong Nelan yang sekarang jadi kolaan keren-nya bintang pelem
Nama gue Udin
Puyeng kepala mikirin Bekasi
Berubah kagak berisi
Dari Kampung Dua ampe kampung Dua ratus-
Berubah kagak puguh,keder kagak putus
Karang congok jadi Karang Satria
Rawa Tembaga lenyap jadi Perumnas Dua
Rawa Minyak ilang, jadi Galaksi
Kobak tempat ngebak berubah jadi Inkopad
Sawah Kulon jadi inkopol
Nama orang juga berubah
Uyutnya namanya Betok
Punya anak dinamain Betik
Punya cucu namanya Winih
Punya cicit namanya Apud
Nama gue Udin
Baba Mikam bini dua
Mamang Misar bini dua
Engkong Satab bini tiga
Uyut Majan bini delapan
Nah, gue berapa dong?

Rame banget Bang, jadi inget dijaman blah sonoan. Fotonya ganteng ampe kayak duo kribo. Itu rambut aselih ataw pake wig? alias rambut palsu, kalo diliat dari depan kayak pake konde, tapi kereen coy. Salam be-Blog.
[Reply]
komarudin ibnu mikam Reply:
February 20th, 2010 at 11:33 PM
@Majayus Irone, hua..ha..ha..ha
itu ane smp om……
[Reply]
Nama gue Udin
Dulu rambutnya keriting
Beda dengan Baba Mikam nyang bebini dua
Nah kalau gue ? Cukup punya blog lebih dari dua
[Reply]
komarudin ibnu mikam Reply:
February 20th, 2010 at 11:33 PM
@Aris Heru Utomo,
ha..ha..ha..ha
punya blog dua, bini atu……
laki-laki setia…….
[Reply]
set, jarang-jarang orang Betokaw namanya Udin… salam kenal dah, pegimana kalo Bang Udin bininya atu aja, tapi nyang paling cantik sedunia akherat (istri sholehah gitu…)
[Reply]
komarudin ibnu mikam Reply:
February 20th, 2010 at 11:35 PM
@David Usman,
he..he..he….nyang jarag itu kalo ada orag betokaw namanya david…
soal bini, rrencana cuma atu…
atu di bekasi
atu di bandung
atu di subang
atu lagi di karawang…..
uhuuuuy……..
[Reply]
Keren banget dah puisinya Bang Udin…manteep !!
[Reply]
komarudin ibnu mikam Reply:
February 21st, 2010 at 6:24 PM
@amriltg, wakakakkkaaka…….
bekasi gitu lho…
[Reply]
udin ganteng kaya sekoteng
makan ager abis segidir
jangan lupa pada dateng
amprokan blogger bakalan hadir
**————
din….. din…..
udah daftar luh……
cepetan ngapah……….
ntar kaga keduman …………………….
[Reply]
komarudin ibnu mikam Reply:
February 24th, 2010 at 9:14 AM
@dahli, hua…ha.ha…..
si udin mah panitia bang dahli
nyang ngurusin bus ama anjangsana…..
bocah wates ajak2 ya….
[Reply]
dahli Reply:
February 24th, 2010 at 11:38 AM
@komar : Ane Bocah babelan ngidulin dikit…..
sekampung ma abang……………
[Reply]